 |
| ہمارے بہادر فوجیوں کی قربانیاں ہمارے عزم کا مزید مستحکم کریںگی، آئی ایس پی آر |
راولپنڈی (ویب ڈیسک) ضلع جنوبی وزیرستان کے علاقے کانی گورم میں فوجی چیک پوسٹ کے قریب بارودی سرنگ کے دھماکے میں فوجی جوان لانس نائیک وقاص احمد شہید ہو گیا ، پاک فوج نے علاقے میں موجود کسی بھی دہشتگرد کو پکڑنے کے لئے ناکہ بندی کر دی اور سرچ آپریشن شروع کر دیا۔ پاک فوج کے شعبہ تعلقات عامہ ( آئی ایس پی آر) کے مطابق ضلع جنوبی وزیرستان کے علاقے کانی گورم میں ایک فوجی چیک پوسٹ کے قریب بارودی سرنگ کا دھماکہ ہوا جس کے نتیجے میں ایک فوجی لانس نائیک وقاص احمد شہید ہو گیا ۔26 سالہ وقاص کا تعلق کراچی سے ہے ۔ آئی ایس پی آر کے مطابق علاقے میں موجود کسی بھی دہشتگردکو پکڑنے کے لئے کارڈن اینڈ سرچ آپریشن جاری ہے ۔ آئی ایس پی آر کے مطابق پاک فوج دہشتگردی کی عفریت کے خاتمے کے لئے پر عزم ہے اور ہمارے بہادر فوجیوں کی قربانیاں ہمارے عزم کا مزید مستحکم کرینگی۔
کوئی تبصرے نہیں:
ایک تبصرہ شائع کریں