ضلع مظفرگڑھ میں خدمت آپکی دہلیز پر پروگرام میں ڈیرہ غازی خان ڈویژن میں اول

مظفر گڑھ: خدمت آپ کی دہلیز کے تحت ضلع کے مختلف مقامات پر صفائی کا عمل جاری ہے

مظفرگڑھ(چیف رپورٹر احمد سعید چوہدری)خدمت آپکی دہلیز پر پروگرام کے تحت ضلع مظفرگڑھ گذشتہ روز 4311سرگرمیاں مکمل کر کے ڈیرہ غازی خان ڈویژن میں اول نمبر پر رہا ۔گزشتہ روز عوام کی طرف سے 374شکایات موصول ہوئیں، جن میں سے 350کا  فوری طور پر ازالہ کیا گیا ، جبکہ 24پر کام جاری ہے ۔ خدمت آپکی دہلیز پر پروگرام میں میونسپل کارپوریشن مظفرگڑھ، تحصیل کونسل مظفرگڑھ، ٹائون کمیٹی خانگڑھ، تحصیل کونسل کوٹ ادو، میونسپل کمیٹی کوٹ ادو، میونسپل کمیٹی چوک سرور شہید، میونسپل کمیٹی سنانواں ، میونسپل کمیٹی گجرات، ٹائون کمیٹی دائرہ دین پناہ، تحصیل کونسل علی پور، میونسپل کمیٹی علی پور، تحصیل کونسل جتوئی اور میونسپل کمیٹی جتوئی کا عملہ صفائی مسلسل کام کررہا ہے، ڈویژن بھر میں مسلسل اول پوزیشن جبکہ پنجاب بھر میں نمایاں پوزیشن حاصل کرنے پر ڈپٹی کمشنر انجینئر امجد شعیب خان ترین نے چیف آفسران، سپروائزر سمیت تمام ٹیم کو شاباش دیتے ہوئی کہا کہ وہ اپنا کام محنت ، لگن اور دیانتداری سے جاری رکھیںاور ضلع مظفرگڑھ کو صاف او ر خوبصورت بنانے میں اپنا کردار ادا کریںاور مظفرگڑھ کو ایک مثالی ضلع بنائیں۔ عوامی حلقوں کی طرف سے وزیر اعلیٰ پنجاب سردار عثمان بزدار کے اس انقلابی اقدام کو خوب سراہا جارہا ہے، انہوںنے بھی مظفرگڑھ کے عملہ صفائی اور اہلکاروں کو مبارک باد پیش کی ہے۔