 |
| مظفر گڑھ: پنجاب ٹیچرز یونین کے عہدیدار سی ای او ایجوکیشن سید کوثر حسین شاہ سے ملاقات کر رہے ہیں |
مظفرگڑھ (ویب ڈیسک)پنجاب ٹیچرز یونین مظفرگڑھ کے وفد نے ارسلان گوندل کی قیادت میں سی ای او ایجوکیشن اتھارٹی کوثر حسین شاہ اور ڈسٹرکٹ ایجوکیشن آفیسر ان اکبر بخاری ، ذوالفقار سہرانی اور میڈم مہہ جبیں سے ضلع مظفرگڑھ کے اساتذہ کو درپیش مسائل کے حوالے سے اہم ملاقات کی۔ملاقات میں 2017 اور 2018 کے ایجوکیٹرز کی ریگولرائزیشن ، اساتذہ کی اے سی آر پر متعلقہ آفیسر ان کے کاؤنٹر سائن ، پی ایس ٹی سے ای ایس ٹی پروموشن اور اساتذہ کے ایم اے کی بنیاد پر کوالیفی کیشن الاؤنس جیسے اہم مسائل زیر بحث آئے۔ سی ای او ایجوکیشن کوثر حسین شاہ اور متعلقہ ڈسٹرکٹ ایجوکیشن آفیسران نے یقین دہانی کروائی کہ اساتذہ کو درپیش اہم مسائل کو ترجیحی بنیادوں پر حل کیا جائے گا۔ پنجاب ٹیچرز یونین مظفرگڑھ کے عہدے داران نے اساتذہ کی ویکسی نیشن کے حوالے سے ڈسٹرکٹ ایجوکیشن اتھارٹی مظفرگڑھ کے اقدامات کو سراہا۔اس موقع پر پنجاب ٹیچرز یونین مظفرگڑھ کے عہدے داران اشفاق خان دستی ،وحید شہزاد کھوکھر ، عبداللہ دھمرایا ، سعد حفیظ ،وقاص بک ،کاشف ریاض کالرو اور شاہد دستی بھی موجود تھے۔
کوئی تبصرے نہیں:
ایک تبصرہ شائع کریں