واپڈا کی غفلت اور لا پرواہی ، انسا نی زندگیوں کو دائو پر لگا دیا

 

چوک سرور شہید: اڈا ریاض آباد پر گیارہ کے وی کی لائن انتہائی کم بلندی سے گزر رہی ہے

چوک سرور شہید (ویب ڈیسک)چوک سرور شہید کے نواحی اڈا ریاض آباد کے رہائشیوں نے واپڈا سب ڈویژن چوک سرور شہید کی مبینہ غفلت اور لاپرواہی کے خلاف احتجاج کر تے ہو ئے صحافیوں کو بتایاکہ عرصہ دراز سے اڈا ریاض آباد پر گیارہ کے وی کی ہائی وولٹیج لائن انتہائی کم بلندی سے گذر رہی ہیں کئی بار تاریں آپس میں ٹکرا نے سے آگ بھی لگ چکی ہے اور متعدد بار جان لیوا حادثات بھی رونما ہو چکے ہیں مگر واپڈا سب ڈویژن چوک سرور شہید کے ایس ڈی او اور لائن سپریٹنڈنٹ نے کوئی نوٹس نہ لیاہے بلکہ سب اچھا ہے کی رپورٹ اوپر بجھوا دی۔ محکمانہ مجر مانہ غفلت کی وجہ سے کسی بھی وقت کوئی بڑا جا ن لیوا سنگین حادثہ رونما ہو سکتا ہے اہلیان علاقہ سردار الطاف اکبر کلا چی ، عابد سلیم خان ، قیصر محمود ، چوہدری شاہد مان ، عبدالرئوف ، عمران مان ،محمد اعجاز ، محمد طارق ، محمد عامر ،اشرف علی ، ڈاکٹر جاوید ، عمران خان ،نذیر احمد و دیگر نے واپڈا سب ڈویژن چوک سرور شہید کے خلاف شدید احتجاج کر تے ہو ئے میپکو چیف ملتان سے فوری نوٹس لینے اور کاروائی کا مطا لبہ کیا ہے ۔