 |
کرمداد قریشی:تھانہ صدر مظفرگڑھ پولیس کی بڑی کارروائی ، سنگین جرائم میں ملوث خطرناک اشتہاری گرفتار۔ عوام کا خراج تحسین۔تفصیل کے مطابق ڈسٹرکٹ پولیس آفیسر محمد احسن اقبال کی ہدایت پر ایس ڈی پی او سٹی سرکل حسن رضا ملک کی نگرانی میں ایس ایچ او تھانہ صدر مظفرگڑھ سید حسین علی شاہ نے جرائم کے خلاف کاروائیاں مزید تیز کردی ہیں۔ گزشہ روز ایس ایچ او سید حسین علی شاہ نے سب انسپکٹر محمد اقبال ، اسسٹنٹ سب انسپکٹر سید بہار علی شاہ اور دیگر پولیس اہلکاروں کے ہمراہ مخبری پر بڑی محنت اور کوشش کے ساتھ سنگین جرائم میں ملوث اے کیٹگری کے خطرناک اشتہاری راشد چانڈیہ کوگرفتارکر کے حوالات میںبند کر دیاہے ۔ایس ایچ او سید حسین علی شاہ نے صحافیوں سے گفتگو کرتے ہوئے کہا کہ راشد چانڈیہ اشتہاری ہونے کے علاؤہ دیگر کئی ڈکیتیوں میں ملوث ہے۔ راشد چانڈیہ پرامن شہریوں کیلئے خطرے کی علامت بن چکا ہے۔ پولیس اپنی ذمہ داریوں سے غافل نہیں ہے۔ عوام کے جان و مال کی حفاظت کرنا پولیس کی اولین ذمہ داری ہے،جو احسن طریقے سے نبھائی جا رہی ہے۔ معززین علاقہ اور صحافی برادری کا جرائم کے خاتمہ کیلئے تعاون رہا تو مزید بہتر کامیابیاں حاصل ہوسکتی ہیں۔ معززین علاقہ اور صحافیوں نے کامیاب کارروائی پر ایس ایچ او سید حسین علی شاہ اور اس کی پوری ٹیم کو خراج تحسین پیش کیا۔
کوئی تبصرے نہیں:
ایک تبصرہ شائع کریں