مظفرگڑھ(چیف رپورٹر احمد سعید چوہدری) ڈپٹی کمشنر سید موسیٰ رضا نے دوسرے دن بھی ڈی سی آفس میں عوامی کھلی کچہری لگا لی ایڈیشنل ڈپٹی کمشنر ریونیوشاہ رخ اور اسسٹنٹ کمشنر جمیل حیدر شاہ بھی ان کے ہمراہ تھے اس موقع پر ڈپٹی کمشنر سید موسیٰ رضا نے کہا کہ عوامی خدمت کھلی کچہری کے مثبت نتائج سامنے آرہے ہیں سائلین کے مسائل فوری حل ہو جا تے ہیں ریونیوعملہ ایک جگہ موجود ہوتا ہے جس سے سائل کو دفاتر کے چکر نہیں لگا نا پڑتے ۔انہوں نے بتایا کہ عوامی خدمت کھلی کچہری ہر ماہ کے پہلے دو دن لگائی جاتی ہے جس میں محکمہ ریونیو سے متعلقہ با لخصوص اور دیگر انفرادی اجتماعی مسائل کو سنا جاتا ہے اور قانون کی روشنی میں میرٹ پر حل کئے جا تے ہیں کھلی کچہری میں ریکارڈ کی درستگی فرد ملکیت کے اجراء ،رجسٹری و انتقالات کے اندراج سمیت ریونیو سے متعلقہ دیگر معاملات پر عوامی شکایات اور مسائل کو سنا گیا اور ان کے فوری ازالہ کے حل کیلئے احکامات جاری کئے گئے کھلی کچہری میں تحصیلدار ،قانونگو ،پٹواریوں سمیت اراضی ریکارڈ سنٹر کا عملہ بھی موجود تھا کھلی کچہری میں سائلین نے کہا کہ ہم حکومت پنجاب اور ضلعی انتظامیہ کے مشکور ہیں جنہوں نے عوامی خدمت کھلی کچہری کا انعقاد کیا جہاں ایک جگہ پر تمام افسران اور عملہ موجود ہوتا ہے اور ان کے مسائل فوری حل ہو تے ہیں ۔
کوئی تبصرے نہیں:
ایک تبصرہ شائع کریں