 |
| جتوئی: شہر کے مرکزی کلمہ چوک پر گندگی اور سٹرک پر کھڑے بارش کے پانی کا منظر |
جتوئی :صفائی عوام کی دہلیز پر کے دعوے ناکام، جتوئی کا مصروف ترین چوک گندے پانی اور کوڑا کرکٹ کا مرکز بن گیا ،انتظامیہ کی غفلت اور نا اہلی عوام کے لئے وبال جان بن گئی ہے۔ تفصیل کے مطابق کلمہ چوک کی صفائی کا مطالبہ کرتے ہوئے صدر موبائل ایسوسی ایشن جتوئی عامر خان ، رانا وقاص اسلم ، یاسر خان ،محمد آصف ،عمران علی اور دیگر نے کہا ہے کہ ٹی ایم اے جتوئی اور اے سی جتوئی شہریوں پر ترس کریں ،گندگی کو شہر سے دور نکالیں اور صفائی کرائیں۔ عوامی نمائندے ووٹ لینے کے بعد شہر میں نظر نہیں آتے جس کی وجہ سے انہیں اپنے شہر سے ووٹ لینے کے علاوہ عوام کے کسی مسئلے کے بارے میں معلومات نہیں ہوتیں۔ انہوں نے کہا کہ منتخب نمائندے اپنی عوام کو اس گندگی سے پھیلنی والی بیماریوں اور تعفن سے بچانے کے لئے شہر بھر کی صفائی اور خصوصاً کلمہ چوک کی صفائی کا ہر حال میں جلد از جلد حل نکالیں اور کوڑا کرکٹ کلمہ چوک پر ڈالنے کی بجائے شہر سے دور پھینکا جائے تاکہ شہریوں میں کسی بھی قسم کی وباء کے پھیلنے سے بچا جا سکے۔
کوئی تبصرے نہیں:
ایک تبصرہ شائع کریں